Saturday, July 31, 2010

വരി : എത്തിപ്പോയ് മാത്തേരാനില്‍

മാത്തേരാന്‍ വരെ വന്ന സുന്ദരമായ യാത്രയും toy-trainനും പ്രകൃതി ഭംഗിയും കാണണ്ടേ..??!! ഇതാ ഭാഗം 1-ല്‍ ക്ലിക്ക് ചെയ്തോളൂ...



 യാത്ര തുടരുന്നു...         രണ്ടു മണിക്കൂറോളം കുന്നു കയറി ഒമ്പതെ മുക്കാല്‍ ആയപ്പോഴേക്കും toy-train ഞങ്ങളെ ആ സുന്ദര ഭൂമിയില്‍ എത്തിച്ചു.കാട്ടുപ്പൂക്കളുടെ മണമുള്ള തണുത്ത ഒരിളം കാറ്റ് ഞങ്ങളുടെ യാത്രാക്ഷീണമെല്ലാം നുള്ളി എടുത്തു കൊണ്ട് കടന്നു പോയി. ഒരു പത്മരാജന്‍ സിനിമ ലൊക്കെഷനില്‍ കാലെടുത്തു വയ്ക്കുന്ന അനുഭവമായിരുന്നു എനിക്ക്. തൂവാനത്തുമ്പികളിലെ ക്ലാരയെ കാത്തു നില്‍ക്കുന്ന മണ്ണാറതൊടിയിലെ ജയകൃഷ്ണന്‍ ഒരു നിമിഷം എന്‍റെ മനസ്സിലൂടെ കടന്നു പോയെന്നു പറഞ്ഞാല്‍ അതില്‍ തെല്ലും അതിശയോക്തിയില്ല.
മാത്തേരാന്‍ സ്റ്റേഷന്‍ 

"ട്രെയിന്‍ തിരിച്ചു പോകുന്നതിനു മുന്നേ എല്ലാവരും ഒന്ന് ഒരുമിച്ചു നിന്നേ...ഒരു ഫോട്ടോ എടുക്കട്ടെ.." എന്ന് പറഞ്ഞു തീര്‍ന്നില്ലാ..
"ഫോട്ടോ ഞാന്‍ എടുത്തു തരാം" എന്ന് പറഞ്ഞു സഹായഹസ്തവുമായി ഒരു മലയാളി..!!
ഇതോടു കൂടി ഒരു കാര്യം ഞാന്‍ ഉറപ്പിച്ചു...'ചന്ദ്രനില്‍ ഒരു മലയാളി തട്ട് കട ഇട്ടിട്ടുണ്ടെന്ന് പറയുന്നത് സത്യമാ..നോ സംശയംസ്..'


           ഫോട്ടോ എടുത്തു തന്ന ചേട്ടന് ഒരു നന്ദിയും പറഞ്ഞു പാട്ടും പാടി സ്റ്റേഷന്‍-ന് പുറത്തേക്കിറങ്ങാന്‍ തുടങ്ങുമ്പോള്‍, ആജാനബാഹുവായ ഒരു താടിക്കാരന്‍



"കിദര്‍ ജാ രഹെ ഹോ..? ടിക്കറ്റ്‌ ലേക്കര്‍ ജാ.." എന്നും പറഞ്ഞു തടഞ്ഞു നിര്‍ത്തി.

'ആഹാ...ഞങ്ങള് ടിക്കറ്റ്‌ എടുത്തിട്ട് തന്നെയാ ചേട്ടാ വന്നത് എന്ന സ്റ്റൈലില്‍' അച്ചായന്‍.."എടാ മനോജേ, നീയാ ട്രെയിന്‍ ടിക്കറ്റ്‌ അങ്ങ് എടുത്തു കൊടുത്തെ..."

"ട്രെയിന്‍ ക ടിക്കറ്റ്‌ നഹി ഹേ ഭയ്യാ..ഇദര്‍ ഘൂമ്നെ കേലിയെ ഓര്‍ ഏക്‌ ടിക്കറ്റ്‌ ലേനാ ഹേ.." എന്നും പറഞ്ഞു ഒരു ബോര്‍ഡിലേക്ക് ചൂണ്ടി കാണിച്ചു. മാത്തേരാനില്‍ കറങ്ങി നടക്കണമെങ്കില്‍ ആളൊന്നുക്ക് `15 വീതം കൊടുക്കണമെന്ന്.
"ആ..അത്രേ ഉള്ളോ..അതിനിങ്ങനെ പേടിപ്പിക്കണോ..??!!" എന്നും ചോദിച്ചു ബിബിനും സോനുവും കൂടി തലയെണ്ണി കാശടച്ചു. അവന്മാരുടെ കൈയിലേക്ക്‌ അയാള്‍ ടിക്കെറ്റും, ഒപ്പം മൂന്നു നാല് നോട്ടിസും കൊടുത്തു.

'നൂറനാട് ജനതയില്‍'.."നാളെ മുതല്‍...ഇതാ ഇന്ന് മുതല്‍...." എന്ന് വിളിച്ചു പറഞ്ഞു കൊണ്ട് പോകുന്ന ചക്കടാ ജീപ്പില്‍ നിന്ന് പുറത്തേക്കു പറത്തി തന്നിരുന്ന കച്ചിപേപ്പര്‍ കൊണ്ടുള്ള നോട്ടിസ് പോലത്തെ മൂന്നു നാലെണ്ണം. മേടിച്ചു നോക്കുമ്പോള്‍ മാത്തേരാനില്‍ വടാപ്പാവ് കിട്ടുന്ന ഏതോ ഒരു തട്ട് കടയുടെ പരസ്യം..!!
"ഹും..വടാപ്പാവ്.." എന്നും പറഞ്ഞു നോട്ടിസ് ചുരുട്ടി കളയാന്‍ തുടങ്ങുമ്പോള്‍ ദാ താടിക്കാരന്‍ നോക്കി പേടിപ്പിക്കുന്നു...
ഇത് കണ്ടു ബിബിന്‍ ചാടിവീണു..."കളയല്ലേ...കളയല്ലേ...അതിന്‍റെ പുറകില്‍ മാത്തേരാന്‍റെ മാപ്പാ.."

"മാത്തേരാന്‍റെ മാപ്പോ..ഇതില് കുന്നംകുളം ഉണ്ടോടെ..??" എന്നും ചോദിച്ചു ചളുവടിച്ചു ചമ്മല് മറയ്ക്കാന്‍ ശ്രമിച്ചതും, അവിടെ കൂട്ടച്ചിരി ഉയര്‍ന്നതും ഒരുമിച്ചായിരുന്നു.
                മാത്തേരാനിലെ എല്ലാ പൊയന്റുകളും(മുനമ്പുകളും), തടാകങ്ങളും, വഴികളും രേഖപ്പെടുത്തിയ ഒരു മാപ്പ്. ഈ മാപ്പ് കൈയിലുണ്ടായത് കാരണം, പലപ്പോഴും കൂട്ടം തെറ്റിയെങ്കിലും വൈകുന്നെരത്തോട്‌ കൂടി എല്ലാവരും ഒത്തു ചേര്‍ന്നു എന്നുള്ളതാണ് സത്യം.

                ഒരു ദിവസം മുഴുവനും ഇനി നിര്‍ത്താതെയുള്ള നടത്തമാണെന്ന് അറിയാതെ, നോട്ടിസ് തന്ന താടിക്കാരന്‍ ചൂണ്ടി കാണിച്ചു തന്ന വഴിയിലൂടെ തുടക്കത്തിന്‍റെ ആവേശത്തില്‍ നീണ്ടുനിവര്‍ന്നു കിടക്കുന്ന ചെമ്മണ്‍ പാതയിലൂടെ  എല്ലാവരും നടന്നു തുടങ്ങി. കൂട്ടത്തിലെ ഏറ്റവും പ്രായം കുറഞ്ഞ മെമ്പര്‍, 'നേവ' അച്ഛന്‍റെ തോളത്തിരുന്നു കൗതുകപൂര്‍വ്വം കാഴ്ച്ചകള്‍ കാണുന്നുണ്ടായിരുന്നു.
ടോണ്‍ അച്ചായനും നേവയും
                       കുറെ ഹുക്കാ പാര്‍ലറ്കളും, ഒരു തൊപ്പിക്കടയും കരിമ്പ് ജ്യൂസ്‌ കടകളും, മള്ബറി വില്‍ക്കുന്ന സ്ത്രീകളെയും, ബ്രിട്ടിഷ് കാലത്ത് പണിത കെട്ടിടങ്ങളും കടന്നു മുന്നോട്ടു പോകുമ്പോള്‍, ഏറ്റവും മുന്നിലായി ഒരു അലര്‍ച്ച...
"ഹായ്..പാര്‍ക്ക്‌..പാര്‍ക്ക്.."


പൂന്തോട്ടവും, ഊഞ്ഞാലും, സീ-സൊയും ഒക്കെ കണ്ടപ്പോള്‍ 'എലി പുന്നെല്ലു കണ്ടത് പോലെ..' മുന്നില്‍ പോയ രണ്ടു മഹിളാമണികള്‍ നിയന്ത്രണം വിട്ടു 'കാറിയ' ശബ്ദമായിരുന്നു ആ കേട്ടത്..!!
ഊഞ്ഞാലാട്ടവും സീ-സോയും സമയം കളയുന്നുവെന്നു തോന്നിച്ചപ്പോള്‍ ഞങ്ങള്‍ പതുക്കെ അച്ചായന്‍റെ ചെവിയില്‍ പറഞ്ഞു.." അച്ചായാ..എല്ലാത്തിനേം വലിച്ചു കയററ്...അല്ലെങ്കില്‍ ബാക്കി സ്ഥലം ഒന്നും കാണാതെ ഇവിടെ നിന്ന് തന്നെ തിരിച്ചു പോകേണ്ടി വരും.."
"പൂനെയില്‍ ചെന്നിട്ട് എല്ലാവരെയും പാര്‍ക്കില്‍ കൊണ്ട്പ്പോകാം" എന്ന് പറഞ്ഞു സ്നേഹപൂര്‍വ്വം എല്ലാവരെയും വിളിച്ചു കയറ്റി. ഒപ്പമൊരു നിര്‍ദേശവും..

"ഇനി അലക്സാണ്ടര്‍ പൊയന്റില്‍ ചെന്നെ നമ്മള്‍ നില്‍ക്കുന്നുള്ളൂ..ആരും വഴിയില്‍ കുറ്റിയടിക്കില്ലാ...ഓക്കേ..??" 
എല്ലാവരും തല കുലുക്കി സമ്മതിച്ചു. ഒരു നാടന്‍ പാട്ടൊക്കെ പാടി കൈയും കൊട്ടി എല്ലാവരും വീണ്ടും നടത്തം ആരംഭിച്ചു.
                  നടത്തത്തിനിടയില്‍ ഒരു കുടുംബചിത്രം എടുക്കാന്‍ വേണ്ടി ഞാനൊന്നു പിന്നിലേക്ക്‌ വലിഞ്ഞു.
"click"
 ഞാനാ ചെയ്തത് കാരണവര്‍ക്ക്‌ ഒട്ടും ഇഷ്ട്ടമായില്ലാ എന്ന് തോന്നുന്നു. രണ്ടു സെക്കന്റ്‌ എന്നെ ഒന്ന് നോക്കിയിട്ട്.."എടീ, നീ പിള്ളേരേം വിളിച്ചു അകത്തു പോയ്ക്കെ..ഇവിടൊരുത്തന്‍ വായും പൊളിച്ചു നോക്കി നില്‍ക്കുന്നു.." എന്ന സ്റ്റൈലില്‍ ഭാര്യേം പിള്ളേരേം വിളിച്ചോണ്ട് തിരിഞ്ഞോരൊറ്റ പോക്ക്..എന്‍റെ ഭാഗ്യം..എഴുന്നേറ്റു വന്നൊരു പൊട്ടീര് തന്നിരുന്നേല്‍ ആകെ നാറിയേനെ..!!

ഇതാണാ കുടുംബചിത്രം 
മാത്തേരാനിലൂടെ നടക്കുമ്പോള്‍ ഞാന്‍ കണ്ടതെല്ലാം കൗതുകമുണര്‍ത്തുന്ന കാഴ്ച്ചകളായിരുന്നു. കുതിരകളും കുതിരക്കാരനും, റിക്ഷകളും, കുരങ്ങന്മാരും, ഭംഗിയുള്ള കല്ലുകള്‍ നിരത്തിയ നടവഴി ഉള്ള ബംഗ്ലാവും..എല്ലാം..എല്ലാം..

തൊപ്പിക്കട
ജയന്‍റെ പടത്തില്‍ അഭിനയിച്ച കുതിരയാണെന്ന് തോന്നുന്നു
റിക്ഷ 
കുതിരയും റിക്ഷയും മാത്രമാണ് അവിടുത്തെ വാഹനം. പ്രകൃതി സംരക്ഷണം തന്നെ ലക്‌ഷ്യം.

ഭംഗിയുള്ള നടവഴിയും പൂന്തോട്ടവും ഉള്ള ഒരു ബംഗ്ലാവ് 

                      
                      
ചളിയും തുരുമ്പും പിടിച്ച ഒരു ട്രാന്‍സ്ഫോര്‍മര്‍ വഴിയില്‍ 

                        എന്‍റെ കൂടെ ഉള്ളവര്‍ ഏറെ ദൂരം മുന്നില്‍ എത്തിയിരുന്നു. ഒരു ചെറിയ ഓട്ടത്തില്‍ അവര്‍ക്കരുകില്‍ എത്തുമ്പോള്‍ രണ്ടായി തിരിയുന്ന വഴിക്ക് മുന്നില്‍ എല്ലാവരും 'കണ്ഫ്യൂഷ'നില്‍ നില്‍ക്കുന്നു. ഇടത്തേക്ക് തിരിഞ്ഞാല്‍ അലക്സാണ്ടര്‍ പോയിന്റ്‌, വലത്തേക്ക് തിരിഞ്ഞാല്‍ ഷാര്‍ലറ്റ് ലേക്ക്..എങ്ങോട്ട് പോകും?!!  ഇവിടെയാണ്‌ നേരത്തെ പറഞ്ഞ മാപ്പിന്‍റെ ആദ്യ സഹായം. മാപ്പില്‍ നോക്കുമ്പോള്‍ അലക്സാണ്ടര്‍ പൊയന്റില്‍ നിന്ന് ഷാര്‍ലറ്റ് ലെക്കിലേക്ക് ഒരു ഷോര്‍ട്ട്-കട്ട്‌ ഉണ്ട്. എന്തായാലും അലക്സാണ്ടര്‍ പോയിന്റ്‌ കാണാന്‍ ഇറങ്ങിയതല്ലേ..ആദ്യം അങ്ങോട്ട്‌ തന്നെ.അങ്ങനെ പ്രധാന ചെമ്മണ്‍ പാതയില്‍ നിന്ന് ഇടത്തേക്ക് തിരിഞ്ഞ് ഒരു ചെറിയ വഴിയിലൂടെയായി നടത്തം.

           വഴിയുടെ ഒരു വശം അഗാധമായ കൊക്കയായിരുന്നു. കാലെങ്ങാനും വഴുതിയാല്‍, 'anikspray'യുടെ പരസ്യം പോലെ "പൊടി പോലുമില്ലാ കണ്ടു പിടിക്കാന്‍" എന്നും പറഞ്ഞു ദീര്‍ഘനിശ്വാസം വിടേണ്ടി വരും...!!

                      
                 
സൂം-ഇന്‍ ചെയ്ത ലെന്‍സില്‍ മാത്രം കാണാന്‍ പറ്റിയ ഒരു ഗ്രാമം..


                   അര-മുക്കാല്‍ മണിക്കൂര്‍ നടന്നിട്ടും എങ്ങും എത്തുന്നില്ലാ..! ഈ അലക്സാണ്ടര്‍ പോയിന്റ്‌ കാണാന്‍ എങ്ങനെയിരിക്കും എന്ന് ആര്‍ക്കും ഒരു രൂപവുമില്ലാ..!! കൂട്ടത്തിലെ 'പിള്ളേര്‍സ്' ആയ ചോട്ടുവും, പവനും വയറു തപ്പി കാണിച്ചിട്ട്.."അണ്ണാ വിശക്കുന്നു..അച്ചായാ വിശക്കുന്നു.." എന്ന് പറഞ്ഞു കാറാനും തുടങ്ങി. വഴി ഒരിത്തിരി വീതി കൂടിയ സ്ഥലത്തെത്തിയപ്പോള്‍ കൈയിലുണ്ടായിരുന്ന മിക്സ്ച്ചറിന്‍റെയും പഴത്തിന്‍റെയും പൊതി അഴിച്ചു പങ്കു വച്ചു. താത്കാലിക ആശ്വാസം. വീണ്ടും നടത്തം തുടങ്ങി, അഞ്ചു മിനിറ്റ് കഴിഞ്ഞപ്പോള്‍ കാട് തീര്‍ന്നു, ഭൂമിയുടെ നിരപ്പും തീര്‍ന്നു. ഉള്ളത് അഗാധമായ ഗര്‍ത്തം. ഗര്‍ത്തത്തില്‍ നിറയെ പച്ചപ്പ്‌. പച്ചപ്പ്‌ അവസാനിക്കുന്നിടത്ത് വീണ്ടും തലയെടുപ്പോടെ സഹ്യാദ്രി..!!

അലക്സാണ്ടര്‍ പൊയന്റില്‍ നിന്ന് സഹ്യാദ്രി 

താഴെ ജാമ്പോള്‍ കാട് 

                      
                                                       
മറ്റൊരു വ്യൂ 
                     

                           ഹും..എവറസ്റ്റ് കീഴടക്കിയെന്നാ വിചാരം..!!
              

          അലക്സാണ്ടര്‍ പൊയന്റിന്‍റെ ഭംഗി ആസ്വദിച്ചും, ഫോട്ടോ എടുത്തും നില്‍ക്കുമ്പോള്‍ മറ്റൊരു ഭാഗത്ത്‌ താഴെ നിന്നൊരു വിളിച്ചു കൂവല്‍...
"അയ്യോ..രക്ഷിക്കണേ..."
"ഈശ്വരാ പവന്‍..!!" നെഞ്ചൊന്നു കാളി..എല്ലാവരും ആ വശത്തേക്ക് ഓടി..

നോക്കുമ്പോള്‍ കുറെ താഴെയായി അവന്‍ പല്ലിളിച്ചു നില്‍ക്കുന്നു. ഏതോ ഊടുവഴിയിലൂടെ താഴെയിറങ്ങി തമാശ ഒപ്പിച്ചതാണ്.
പവന്‍..ലോ..ലവിടെ..
                      അവിടെ നിന്നാല്‍ നല്ല ഭംഗിയാണെന്ന് പറഞ്ഞു കൊതിപ്പിച്ചപ്പോള്‍ എന്നാ പിന്നെ നമുക്കും ഒരു കൈ നോക്കാം എന്ന് പറഞ്ഞു ഞങ്ങളും അവന്‍റെ ഒപ്പം കൂടി. അവന്‍ പറഞ്ഞത് ശരിയായിരുന്നു. ഒരു മുനമ്പിലാണ് ഞങ്ങള്‍ നിന്നത്. അലക്സാണ്ടര്‍ പോയിന്റ്‌ കാഴ്ച്ചയുടെ മറ്റൊരു ആംഗിളില്‍. മുനമ്പിനു 'പവന്‍സ് പോയിന്റ്‌' എന്ന് പേരുമിട്ടു തിരികെ കയറി ഞങ്ങള്‍ അലക്സാണ്ടര്‍ പൊയന്റിനോട് 'ta-ta' പറഞ്ഞു.
ക്ഷീണിച്ചിരുന്നു പോയ ശ്രുതി, പവന്‍സ് പൊയന്റില്‍ 

അലക്സാണ്ടര്‍ പൊയന്റില്‍ കണ്ട പൂവുള്ള ഏതോ ഒരു പുല്ല്

            ഷാര്‍ലറ്റ് ലേക്ക് ആയിരുന്നു അടുത്ത ലക്‌ഷ്യം.ഇടതു വശത്ത് കാണുന്ന വഴിയിലൂടെ മാപ്പില്‍ കണ്ട short-cut ആണെന്ന് കരുതി ഞങ്ങള്‍ നടന്നു. ഏതാണ്ട് 45 minute നടന്നു കാണും. മാപ്പില്‍ കാണുന്നത് അനുസരിച്ചാണെങ്കില്‍ ഇപ്പോള്‍ ലേക്കിനടുത്തു ഏത്തണ്ടതാണ്. പാത പിന്നെയും ഇടുങ്ങി വന്നു. നടത്തം ഒരു ഒറ്റയടി പാതയിലൂടെയായി..
ഒറ്റയടി പാതയിലൂടെ..
              നേരത്തെ കണ്ടതിലും വലിപ്പമുള്ള വൃക്ഷങ്ങള്‍. മരങ്ങളുടെ നിഴല് വീണ പാത നട്ടുച്ച നേരത്തും സന്ധ്യാസമയത്തെ ഇരുട്ട് പരത്തിയിരുന്നു.ഭയത്തിന്‍റെ കണികകള്‍ പാകി കൊണ്ട് അങ്ങിങ്ങായി വലുതും ചെറുതും പാമ്പിന്‍ പുറ്റുകള്‍..!!

പാമ്പിന്‍ പുറ്റ്(ചിതല്‍ പുറ്റ്)

             വഴി തെറ്റിയോ എന്ന സംശയം എല്ലാവരുടെയും മനസ്സില്‍ തോന്നി തുടങ്ങിയിരുന്നു, ആരും പരസ്പരം ചോദിച്ചില്ലെന്ന് മാത്രം. വേറെ വഴികളൊന്നും കാണാത്തത് കൊണ്ട് മുന്നോട്ടു തന്നെ നടന്നു..
വഴി തെറ്റി കാട്ടിലേക്ക്..

              ഏതാണ്ട് പത്തു മിനിറ്റ് കൂടി കഴിഞ്ഞപ്പോള്‍ വഴി രണ്ടായി പിരിയുന്ന ഒരു സ്ഥലത്തെത്തി. മരത്തില്‍ ആണി അടിച്ച ഒരു മരപ്പലകയില്‍ 'Rambaug' എന്നെഴുതി വച്ചിരിക്കുന്നു. ഷാര്‍ലറ്റ് ലേക്കിലേക്ക് പോയ ഞങ്ങള്‍ എത്തിപ്പെട്ടത് 'രാംബാഗി'ല്‍...കൊടുംകാടിന്‍റെ നടുവില്‍...!!!


(നടന്നു തീരാന്‍ ഇനിയുമുണ്ട് വഴികള്‍..അത് കൊണ്ട് തുടരും...ഞങ്ങള്‍ക്കൊപ്പം നടക്കുകയല്ലേ..??)

44 comments:

  1. ഈ ഒരു പോസ്റ്റോട് കൂടി മാതെരാന്‍റെ കഥ പറഞ്ഞു നിര്‍ത്തണമെന്ന് കരുതിയതാണ്.ബോര്‍ ആകുന്നെങ്കില്‍ പറയാന്‍ മടിക്കണ്ട..

    ReplyDelete
  2. This comment has been removed by the author.

    ReplyDelete
  3. ..
    തീര്‍ന്നോ?
    ഫോണ്ടിന് എന്തോ കുഴപ്പം സംഭവിച്ചിട്ടുണ്ട്. ഇന്ന് കുറേ ബ്ലോഗ് വായിച്ചു, ഇവിടെ മാത്രമേ പ്രശ്നമുള്ളു. (mozilla firefox-ലാണെ)

    ആദ്യ പോസ്റ്റിനേക്കാള്‍ ഒരുപാട് നന്നായിട്ടുണ്ട് കേട്ടൊ വിവരണങ്ങള്‍, അതിനൊരു വല്ല്യ ആശംസയിരിക്കട്ടെ ട്ടൊ :)

    ഫോട്ടോസ് കിടിലന്‍ തന്നെ. കളര്‍ കോമ്പിനേഷനെപ്പറ്റി അറിയില്ല, ചില ചിത്രങ്ങളില്‍ എന്തൊക്കെയോ കൂടുതലോ കുറവോ ഉണ്ടെന്ന് തോന്നുന്നു ആദ്യ പോസ്റ്റില്‍ വഷളനോ മറ്റോ അഭിപ്രായപ്പെട്ട പോലെ.

    ഇത്രയും കാലം അവിടെ ഉണ്ടായിരുന്നിട്ട് ഈ സ്ഥലത്തിനെപ്പറ്റി സിബു പറഞ്ഞതിന് ശേഷമാണ് അറിയുന്നത്. നഷ്ടം തന്നെ :( :(

    ആശംസകള്‍, ആദ്യത്തേതിനേക്കാള്‍ വൃത്തിയുണ്ട് അവതരണത്തിന്, കേട്ടൊ :)
    ..

    ReplyDelete
  4. പലയിടത്തും ആവശ്യമില്ലാത്ത space വരുന്നു. എഡിറ്റ്‌ ചെയ്യുമ്പോള്‍ ആ പ്രശ്നം ഇല്ലാ...എന്താണ് സംഭവം എന്ന് മനസ്സിലാകുന്നില്ല..!!
    രവി, എല്ലാം വായിക്കാന്‍ പറ്റുന്നുണ്ടോ..?

    ReplyDelete
  5. ..
    ധൃതിയില്‍ വായിച്ചപ്പോള്‍ കുറേ കാഴ്ചകള്‍ വിട്ടു പോയ്. ഒന്നൂടെ നോക്കി,

    ചിത്രങ്ങള്‍ നന്നായിട്ടുണ്ട് കേട്ടൊ.
    ..

    ReplyDelete
  6. ..
    ബ്ലൊഗിലെ ന്യൂ പോസ്റ്റ് ഓപ്ഷനിലാണൊ എഴുതിയത്? എങ്കില്‍ എഡിറ്റിംഗൊക്കെ തീര്‍ന്നാല്‍ അതിലെ “compose” ഓപ്ഷന്‍ ക്ലിക്ക് ചെയ്താല്‍ എഡിറ്റ് പേജില്‍ തന്നെ പ്രിവ്യൂ കാണാം. വ്യത്യാസമുണ്ടെങ്കില്‍ അവിടെ വെച്ച് തന്നെ മാറ്റാം. അറിയുമായിരിക്കുമല്ലൊ, ഇല്ലെങ്കില്‍ നോക്കു.

    വായിക്കാന്‍ പറ്റുന്നുണ്ട്. പക്ഷേ ഫോണ്ടിന്റെ ഒരഭംഗി, അത്രേള്ളു. mozilla & anjalioldlipi ഉപയോഗിക്കുന്നവര്‍ക്കേ അഭംഗി തോന്നുകയുള്ളു എന്ന് കരുതുന്നു.

    സിബുവിന്റെ ഈ പോസ്റ്റില്‍ anjalioldlipi ഫോണ്ടും karthika ഫോണ്ടും മിക്സായിരിക്കുന്നുണ്ട്. അതാണ് അനാവശ്യ സ്പേസ് ഒക്കെ വരുന്നത്. താനിത് നോട്ട്പാഡിലോ മറ്റോ എഴുതി പേസ്റ്റ് ചെയ്തതാണൊ?

    അതെല്ലാം പോട്ട്, ആ stretch template എന്തിനാ മാറ്റിയേ? അന്നേ ചോദിക്കാനിരിക്കായിരുന്നു, മറന്നു പോയ്.


    ..

    ReplyDelete
  7. ഞാന്‍ ഗൂഗിള്‍ ക്രോം + anjalioldlipiയാ ഉപയോഗിക്കുന്നത്. ഫോണ്ട് എല്ലാം ഒരേ അളവിലാ കാണുന്നത്..!! എന്താ ഇപ്പൊ ചെയ്യുകാ..!! നോക്കട്ടെ സമയം കിട്ടിയാല്‍ എല്ലാം ഒന്നുകൂടെ എഴുതി ഇതില്‍ തന്നെ പോസ്റ്റ്‌ ചെയ്യാന്‍ ശ്രമിക്കാം.

    ReplyDelete
  8. സംഗതികളൊക്കെ നേരെയാക്കി റീ-പോസ്റ്റ്‌ ചെയ്തു. ഇനി എന്തെങ്കിലും അഭംഗിയോ ബുദ്ധിമുട്ടോ ഉണ്ടെങ്കില്‍ പറയാന്‍ മടിക്കണ്ടാ..

    നന്ദി രവി :-)

    മാത്തേരാന്‍ യാത്ര - ഭാഗം 1 കാണാന്‍ ഇവിടെ ക്ലിക്ക് ചെയ്യുകാ :-)

    ReplyDelete
  9. നന്നായിട്ടുണ്ട് മാഷേ.... പഴയതിനെക്കാള്‍ കിടിലം.... :)

    ReplyDelete
  10. ഇത്തവണ ഞാന്‍ ആദ്യം തന്നെ എത്തീട്ടോ. യാത്രാവിവരണവും, ഫോട്ടോസും അടിപൊളിയായി.

    "എടീ, നീ പിള്ളേരേം വിളിച്ചു അകത്തു പോയ്ക്കെ..ഇവിടൊരുത്തന്‍ വായും പൊളിച്ചു നോക്കി നില്‍ക്കുന്നു.."

    എന്നാലും എന്റെ സിബൂ, ഒരു കുരങ്ങിനെ പോലും വെറുതെ വിടില്യ അല്ലേ? ഇംഗ്ലീഷ് ക്ലാസ്സിലേയ്ക്ക്‍ വാ, ബാക്കി അവിടെ വെച്ച് തരാം.

    ReplyDelete
  11. മാതെരാന്‍റെ കഥ പറഞ്ഞ് പറഞ്ഞ് എല്ലാവരേയും ഒപ്പം കൂടെ നടത്തുന്ന ഈ എഴുത്ത് കൊള്ളാം കേട്ടൊ.
    അപ്പോൾ വരയിൽ മാത്രമല്ല വരിയിലും,പോട്ടം പിടിക്കുന്നതിലും സിബു കേമൻ തന്നെയാണെന്ന് തെളിയിച്ചിരിക്കുന്നു....അല്ലെ...

    ReplyDelete
  12. സാബുജി....
    മാത്തേരാന്‍ സെക്കന്റ് പാര്‍ട്ട് ജോറായി........ വായനക്കാരനെ ഒപ്പം കൂട്ടുന്ന യാത്രാവിവരണം....... അടുത്തഭാഗത്തിനായി കാത്തിരിക്കുന്നു...... അഭിനന്ദനങ്ങള്‍

    ReplyDelete
  13. മാത്തേരാന്‍ യാത്ര രണ്ടാം ഭാഗം വളരെ നന്നായിരിക്കുന്നു. സിബുവിന്റെ വിവരണം ആ യാത്ര മിസ്സ്‌ ചെയ്തുവെന്ന തോന്നലും മാറ്റി.

    ReplyDelete
  14. സംഭവം കലക്കി! ഇനിയും പോരട്ടേ!!!

    ReplyDelete
  15. സിബൂ..
    അടിപൊളിയായിട്ടുണ്ട് വിവരണവും ചിത്രങ്ങളും..
    ഒന്നിനൊന്നു മനോഹരം..
    ആ ശിഖരങ്ങളില്‍ ഫ്രേം ചെയ്തുള്ളത് വല്ലാതെ ഇഷ്ടപ്പെട്ടു.
    പിന്നേ ആ "കുടുംബ ഫോട്ടോ"..
    അതൊരു ഒന്നൊന്നര പറ്റം തന്നെ..
    അവരുടെ രണ്ടു പേരുടേം മുഖത്തെ ഭാവങ്ങള്‍ ഒന്ന് ശ്രദ്ധിച്ചേ...

    എന്തു തോന്നുന്നു?!

    ReplyDelete
  16. മാത്തേരാന്‍ യാത്ര ശരിക്കും ആസ്വദിക്കുന്നു... തുടരുക...

    ReplyDelete
  17. കൂടെ യാത്ര വരാന്‍ എന്താണ് ചെലവ്

    ReplyDelete
  18. @ രവി : ഫോട്ടോസ്ല്‍ പഴയ പ്രശ്നങ്ങളുണ്ടായിരുന്നു...ഒഴിവാക്കാന്‍ മാക്സിമം ശ്രമിച്ചു.
    പുനെക്കടുത്തു ഇങ്ങനെ കുറെ സ്ഥലങ്ങള്‍ ഉണ്ട്...ഞാനും ഇത് വരെ എല്ലായിടത്തും പോയിട്ടില്ലാ..
    എഴുത്ത് കുറച്ചു കൂടി ഭംഗിയാക്കാമെന്ന് കഴിഞ്ഞ തവണ പറഞ്ഞപ്പോഴേ ഞാന്‍ മനസ്സില്‍ കുറിച്ചു..നന്നാക്കണമെന്ന്. അതിന്‍റെ ഔട്ട്‌-പുട്ട് ഉണ്ടെന്നു അറിഞ്ഞതില്‍ സന്തോഷം.
    ഞാന്‍ transliterationല്‍ എഴുതി പേസ്റ്റ് ചെയ്യുകയാ ചെയ്യുന്നത്.
    ഈ templateല്‍ ഫോട്ടോസ് കുറച്ചു കൂടി ഭാങ്ങിയാകുന്നുവെന്നു തോന്നി..അതാ മാറ്റിയത്..

    @ Santhanu Nair : താങ്ക്സ് കേട്ടോ..സന്തോഷവും..പ്രത്യേകിച്ചും ബ്ലോഗ്‌ വായിക്കാറുണ്ടെന്നു അറിഞ്ഞപ്പോള്‍.
    Sunrise point മിസ്സ്‌ ആക്കി. ഇനി പോകുമ്പോള്‍ ഒരു രണ്ടു ദിവസം പ്ലാന്‍ ചെയ്തു പോകണം.

    @ കൊച്ചു മുതലാളി : ആത്മാര്‍ഥമായ കമന്റ്‌. താങ്ക്സ് മൊതലാളി..

    @ Vayady : താങ്ക്സ് വായാടി.
    ഞങ്ങളിവിടെ വായാടിയെ വെറുതെ വിടുന്നുണ്ടോ...??!! പിന്നാ ഒരു കുരങ്ങന്‍...ഹും..!

    @ ബിലാത്തിപട്ടണം / BILATTHIPATTANAM. : നന്ദി ചേട്ടാ..നല്ല കമ്മന്റ്റിനും പ്രോത്സാഹനത്തിനും :-)

    @ thalayambalath : നന്നായിട്ടുണ്ടെന്ന് അറിയുമ്പോള്‍ നല്ല സന്തോഷം..തീര്‍ച്ചയായും വേഗം തന്നെ അടുത്തതും എഴുതാം..

    @ കുഞ്ഞൂസ് (Kunjuss) : നന്ദി കുഞ്ഞൂസ്...നല്ല വാക്കിനു ഒരുപാട് സന്തോഷം..

    @ ചിതല്‍/chithal : താങ്ക്സ് ചിതല്‍. തീര്‍ച്ചയും അടുത്ത തവണയും വരണം.
    നമ്മുടെ ചാണ്ടിച്ചായന്‍റെ വല്ല വിവരവും ഉണ്ടോ..??!!

    @ നൗഷാദ് അകമ്പാടം : താങ്ക്സ് ഇക്കാ...
    ആ കുടുംബ ചിത്രം കണ്ടിട്ട് ഇക്കാക്ക്‌ എന്താ തോന്നിയതെന്ന് പറയൂ...??!!

    @ ഏകലവ്യന്‍ : നന്ദി. ഒപ്പം സ്വാഗതവും..ഈ ആദ്യ വരവിന്..
    തീര്‍ച്ചയായും തുടരുന്നു...

    @ ആയിരത്തിയൊന്നാംരാവ് : കൂടെ വരാനാണെങ്കില്‍ ആ FOLLOW buttonല്‍ click ചെയ്യണം..അത്രെ വേണ്ടൂ... ;-)

    ReplyDelete
  19. മാത്തെരാനിലെ രണ്ടാം ഭാഗം ആദ്യത്തേതിനേക്കാള്‍ നല്ല യാത്രയായി.
    യാത്ര നടത്തുമ്പോള്‍ ശരിക്കും കൂടെ യാത്ര ചെയ്യുന്ന ഒരിത് തോന്നിക്കുന്ന എഴുത്തും ഭംഗിയുള്ള ചിത്രങ്ങളും.
    എന്നാലും കുടുംപചിത്രം...
    പിന്നെ ആ പൂവുള്ള പുല്ല് വളരെ ഇഷ്ടായി.
    ആശംസകള്‍.

    ReplyDelete
  20. സിബു .. വളരെ നല്ല പോസ്റ്റ്‌ .
    ''നടത്തത്തിനിടയില്‍ ഒരു കുടുംബചിത്രം എടുക്കാന്‍ വേണ്ടി ഞാനൊന്നു പിന്നിലേക്ക്‌ വലിഞ്ഞു''.ഇതുപോലെ മനസ്സില്‍ തോന്നിയാല്‍ മാത്രം ഇത്ര നല്ല ഒരു വിവരണം എല്ലാവര്‍ക്കുമായി എഴുവാന്‍ മനസ്സില്‍ വരിക ഉള്ളു ..ആശംസകള്‍ .ഞാനും കൂടെ നടപ്പ് തന്നെ..........

    ReplyDelete
  21. ആദ്യമായാണിവിടെത്തുന്നേ.പോട്ടംസ് മാത്രം വായിച്ചു!
    കുടുംബചിത്രം വളരേ ഭേഷായിട്ടോ..
    ഇനി ആദ്യഭാഗം വായിച്ച് വീണ്ടും വന്നേക്കാം..
    ആശംസകള്‍ നേരുന്നു..

    ReplyDelete
  22. superb സിബു ചേട്ടാ....ഫോട്ടോസും വിവരണവും ഒന്നിനൊന്നു മികച്ചു നില്‍ക്കുന്നു...
    നേവക്കുട്ടി cute ആണല്ലോ ...ഈ മാമന്മാരുടെ തമാശയൊന്നും ആള്‍ക്ക് ഇഷ്ട്ടപ്പെടുന്നില്ലെന്നു തോന്നുന്നു:-)
    പാതയോരത്തെ കാഴ്ചകളും നടന്ന വഴികളുടെ ചിത്രങ്ങളുമെല്ലാം ശെരിക്കും കൂടെ നടക്കുന്ന അനുഭവമുണ്ടാക്കി..

    ReplyDelete
  23. പോയിട്ടില്ല, ട്ടോ . എന്തായാലും ഒരു യാത്ര പുറപെട്ടതെല്ലേ. എല്ലാം കണ്ടും കേട്ടും തിരികെ വരാം ന്നാ നിശ്ചയിചിരിക്കുന്നെ. ന്താ വിരോധം ല്ലാലോ. അല്ലെ. ന്തായാലും യാത്ര ഭേഷായിരിക്കുന്നു.

    ReplyDelete
  24. samagramaya vivaranaam, photokalu athi manoharam, boradiyo, orikkalumilla.......

    ReplyDelete
  25. നന്നായിട്ടുണ്ട് ചിത്രങ്ങള്‍ ... ആ കുടുംബ ചിത്രം പ്രത്യേകിച്ച് ..
    നടക്കാം ..അല്ലെ ?

    ReplyDelete
  26. കൊള്ളാം കലക്കി ..ട്ടോ ...
    കൂടെ കൂടിയത് നന്നായെന്നു തോന്നി ..
    ഇല്ലേല്‍ ഇതൊക്കെ മിസ്സാവുമായിരുന്നു .
    മുംബെയില്‍ ഒരു 15 ദിവസം നിന്നിട്ടുണ്ട്
    എങ്കിലും ഇതൊന്നും കണ്ടില്ലായിരുന്നു ...

    ഒപ്പം തന്നെയുണ്ട് മുന്നോട്ട് കുതിക്കുക

    ReplyDelete
  27. പോസ്റ്റ് കലക്കി ...പിന്നെ നിന്റെ ആ നില്പിനെ ജയകൃഷ്ണനുമായി ഉപമിച്ചതിനുള്ള ചേതോവികാരം ഒന്നറിഞ്ഞാല്‍ കൊള്ളാമായിരുന്നു:)കൂടുതല്‍ എന്തിനു പറയുന്നു നീ തന്നെ എഴുതിയില്ലേ നിന്നെ കണ്ടപ്പോള്‍ കുരങ്ങന്‍ പോലും ഭാര്യയേ വിളിച്ചുകൊണ്ടോടിപ്പോയ കാര്യം...

    ReplyDelete
  28. നല്ലൊരു യാത്ര.. തുടര്‍ച്ചയ്ക്കായി കാത്തിരിക്കുന്നു.
    ഭംഗിയായീ എഴുത്ത്.
    ഫോണ്ട്, പോസ്റ്റ് പ്രശ്നങ്ങള്‍ എങ്ങനെയാ പരിഹരിച്ചതു? ഞനുമിന്നലെ ഇതേ പ്രശ്നം കൊണ്ട് കുറെ കഷ്ടപ്പെട്ടു.

    ReplyDelete
  29. നന്നായിട്ടുണ്ട് മാഷേ.

    ReplyDelete
  30. മാത്തേരാനിലേക്ക് ഞാനും വന്നു.. നല്ല വ്യക്ത തയുള്ള ചിത്രങ്ങളും വിവരണവും.. വളരെ നന്നായിരിക്കുന്നു...
    ആശംസകള്‍

    ReplyDelete
  31. @ സ്മിത മീനാക്ഷി : indic transliterationല്‍ ടൈപ്പ് ചെയ്തു selecting Normal + 16px. അത് കോപ്പി ചെയ്തു ബ്ലോഗില്‍ പേസ്റ്റ് ചെയ്തു. പിന്നീട് text മൊത്തം സെലക്ട്‌ ചെയ്തു....Font size, Normal ആക്കി. അപ്പോഴേക്കും ശരിയായി. പിന്നതില്‍ തൊട്ടില്ലാ.. :-)

    ReplyDelete
  32. കുരങ്ങന്മാരെ നോക്കുമ്പോഴും ചിത്രമെടുക്കുമ്പോഴും സൂക്ഷിക്കണം ട്ടോ. സ്വന്തം പെണ്ണിനെ ആരേലും നോക്കുന്നത് ആണ്‍കുരങ്ങിന് പിടിക്കില്ല. എങ്ങനാ പ്രതികരിക്കുകാന്ന് പറയാന്‍ പറ്റില്ല. പിന്നൊരു കാര്യം, നമ്മള്‍ ധൈര്യം കാണിച്ചങ്ങനെ നില്‍ക്കണമെന്നാ. അല്ലേല്‍ ഇവ തലേല്‍ കേറാന്‍ വരും.

    മാത്തേരാനിലെ ബാക്കി പോയിന്റുകള്‍ കൂടി പോരട്ടെ. :0

    ReplyDelete
  33. വരിയാ, കലക്കീട്ടുണ്ട് ട്ടോ... നല്ല വൃത്തിയും ഭംഗിയുമുള്ള സ്ഥലം ആണല്ലോ.
    പടംസ് ഇഷ്ടായി, ചിലതിനു വെളിച്ചക്കുറവു തോന്നി.

    "പൂന്തോട്ടവും, ഊഞ്ഞാലും, സീ-സൊയും ഒക്കെ കണ്ടപ്പോള്‍ 'എലി പുന്നെല്ലു കണ്ടത് പോലെ..' മുന്നില്‍ പോയ രണ്ടു മഹിളാമണികള്‍ നിയന്ത്രണം വിട്ടു 'കാറിയ' ശബ്ദമായിരുന്നു ആ കേട്ടത്..!!"
    ദിത് കലക്കി! ഹ ഹ

    ബിന്ദു: "കുരങ്ങന്മാരെ നോക്കുമ്പോഴും ചിത്രമെടുക്കുമ്പോഴും സൂക്ഷിക്കണം ട്ടോ. സ്വന്തം പെണ്ണിനെ ആരേലും നോക്കുന്നത് ആണ്‍കുരങ്ങിന് പിടിക്കില്ല. എങ്ങനാ പ്രതികരിക്കുകാന്ന് പറയാന്‍ പറ്റില്ല. പിന്നൊരു കാര്യം, നമ്മള്‍ ധൈര്യം കാണിച്ചങ്ങനെ നില്‍ക്കണമെന്നാ. അല്ലേല്‍ ഇവ തലേല്‍ കേറാന്‍ വരും."

    ഹോ എന്താ, പരിചയസമ്പത്ത്! ;)

    ReplyDelete
  34. ഷിബു. ഇവിടെ ആദ്യമാണ്. വന്നപ്പോ എല്ലാ പുലികളെയും ഇവിടെ കണ്ടു.
    യാത്രാ വിവരണം യാത്ര പോലെ ആകര്‍ഷകമാക്കി. ചിത്രങ്ങളൊക്കെ കണ്ടപ്പോ മാത്തോരാനിലേക്ക് ഒന്ന് വണ്ടി കയറിയാലോ എന്നാലോചിക്കുകയാണ്. പക്ഷെ ഗുംനെ കേലിയെ ഉതര്‍ ഭി പൈസാ ചഹിയെനാ.....
    'കുടുംബ ചിത്രം' കണ്ടപ്പോ എത്ര സന്തുഷ്ട കുടുംബം എന്ന് തോന്നിപ്പോയി. .
    കൊള്ളാം കേട്ടോ. ആശംസകളോടെ.

    ReplyDelete
  35. ദേ പിന്നേം കൊണ്ടു നിർത്തി.
    രാത്രിയാകുന്നു, പമ്പിൻപുറ്റുമൊക്കെ കണ്ടതുമാ എന്നൊരു വിചാരവുമില്ല.
    പിന്നെ കുടുമ്മക്കാരെയൊക്കെകൂടി അന്വേഷണം അറിയിക്കുക.

    ReplyDelete
  36. ഈയൊരു ബ്ലോഗ് ഇപ്പോഴാണ് കണ്ടത്. നന്ദി.

    ReplyDelete
  37. ഇത്ര മനോഹരമായി ഓർഗനൈസു ചെയ്ത ഒരു യാത്രാവിവരണ പോസ്റ്റ് കണ്ടിട്ടില്ല, ഒരു വരയന്റെ സിദ്ധി സ്പഷ്ടം, ആ ട്രാൻസ്ഫോർമർ പോലും നന്നായി, കൂർത്ത മുനയുള്ള ആ മലപോലൊന്ന് ഞങ്ങളുടെ കോളെജിന്റെ പശ്ചാത്തലമായുണ്ട്, അതിനെ നിപ്പ്ൾ റോക്കെന്നാണ് ഞങ്ങൾ വിളിക്കുക. സിബു ദൈവത്തിന്റെ വരകൾക്കും സിബുവിന്റെ വരികൾക്കും നന്ദി.

    ReplyDelete
  38. @ പട്ടേപ്പാടം റാംജി : ഒരുപാട് നന്ദി, ഈ നല്ല വാക്കിന്.(as always)
    കുടുംബ ചിത്രം ഇഷ്ട്ടപ്പെട്ടുവല്ലേ :-)
    പൂവുള്ള പുല്ലിനെ പറ്റി എടുത്തു പറഞ്ഞ ഒരേ ഒരാള് റാംജിയാ. താങ്ക്സ്.

    @ siya : അതൊക്കെ instant തോന്നലുകളാ..അങ്ങനെ ഒക്കെ സംഭവിക്കുന്നു. അത് വായിക്കുന്നവര്‍ക്ക് കൂടി അനുഭവപ്പെടുന്നുവെങ്കില്‍ മാത്രമേ എഴുത്തിന്‍റെ കാര്യത്തില്‍ ഞാന്‍ വിജയിക്കുകയുള്ളൂ...നന്ദി, ഈ പ്രോത്സാഹനത്തിന്..

    @ ഒരു നുറുങ്ങ് : സുസ്വാഗതം. ഇഷ്ട്ടപ്പെട്ടെന്നു അറിഞ്ഞതില്‍ ഒരുപാട് സന്തോഷം.
    ബാക്കി കൂടി വായിച്ചു അഭിപ്രായം പറയണേ..എനിക്കതൊരു പ്രചോദനമായിരിക്കും.

    @ lakshmi : നെവൂട്ടി അന്ന് വര്‍ത്തമാനം പറഞ്ഞു തുടങ്ങിയിട്ടുണ്ടായിരുന്നില്ലാ..അത് കൊണ്ട് ഞങ്ങളെ ഒന്നും പറഞ്ഞില്ല(ഇപ്പൊ സംസാരിച്ചു തുടങ്ങിയിട്ടുണ്ട്..ഞങ്ങള്‍ക്ക് നല്ല വഴക്കും കിട്ടാറുണ്ട് :-))
    പാതയോരത്തെ കാഴ്ചകളും നടന്ന വഴികളുടെ ചിത്രങ്ങളുമെല്ലാം ഇഷ്ട്ടപ്പെട്ടെങ്കില്‍, ഇനി പോകുന്ന വഴികളിലും കൂടെ കൂടിക്കോ..

    @ jayaraj : ഒരു വിരോധവും ഇല്ലാ..അങ്ങനെയാണെങ്കില്‍ കൂടെ വരാന്‍ വിളിക്കുമോ..?

    @ jayarajmurukkumpuzha : നന്ദി...ബോറടിയില്ലെങ്കില്‍ കൂടെ പോരെ...എല്ലാം കണ്ടു മലയിറങ്ങാം..

    @ അക്ഷരം : തീര്‍ച്ചയായും..നടക്കാം.

    @ നവാസ് കല്ലേരി... : അപ്പൊ ഇനി അടുത്ത തവണ മുംബൈക്ക് പോകുമ്പോള്‍ പ്ലാന്‍ ചെയ്യ്. ഒരു രണ്ടു ദിവസത്തേക്ക് ചെയ്തോളൂ..നഷ്ട്ടം വരില്ലാ..
    കൂടെ കൂടിയതിനു ഒരുപാട് നന്ദി...കൈവിട്ടു പോകണ്ടാ..

    @ ഗോപീകൃഷ്ണ൯.വി.ജി : ഞാന്‍ ഓര്‍ത്തു പോയ കാര്യമാണെടാ പറഞ്ഞത്..!! ബാക്കി ഉള്ളതിന് മറുപടി നേരിട്ട്...OK.

    @ സ്മിത മീനാക്ഷി : നന്ദി...ഒരുപാട്..

    ReplyDelete
  39. @ Jishad Cronic™ : നന്ദി, ജിഷാദ്.

    @ Naseef U Areacode : ഒരു യാത്രാവിവരണ സൈറ്റ് സ്വന്തമായുള്ള ഒരാളുടെ അഭിപ്രായത്തിനു വില കൂടും. നന്ദി..

    @ Bindhu Unny : ഞാന്‍ കരുതി ഇതാരാണപ്പാ കുരങ്ങന്മാരെ കുറിച്ച് ഇത്ര ആധികാരികമായി പറയുന്നത്..!! വന്നു നോക്കുമ്പോഴല്ലേ, ആള്‍ടെ ഗവേഷണം കടുവകളിലാണെന്ന് മനസ്സിലാകുന്നത്‌.
    സുസ്വാഗതം..ഈ ആദ്യ വരവിന്.

    @ വഷളന്‍ ജേക്കെ ★ Wash Allen JK : അണ്ണാ വഷളാ,കലക്കീന്നു പറഞ്ഞതിന് ഡാങ്ക്സ് ട്ടാ...
    ശരിയാ..ചില പടങ്ങള് വെളിച്ചം വീണു നശിച്ചിട്ടുണ്ട്. ചിലത് ഞാന്‍ കളര്‍ കൂട്ടിയും നശിപ്പിച്ചിട്ടുണ്ട്(ഇപ്പൊ കുറക്കാന്‍ നോക്കിയിട്ട് നടക്കുന്നില്ലാ..!)
    പിന്നെ, ബിന്ദു ചേച്ചിയെ കലിപ്പിക്കുന്നതിനു മുന്‍പ് ആ ബ്ലോഗില്‍ കയറി നോക്ക്. ആള് കടുവകളെ ഒക്കെ അന്വേഷിച്ചു പോകുന്ന 'പുലിയാ..'

    @ Akbar : ഇക്കാ, പുലികളൊക്കെ കയറി ഇറങ്ങുന്നത് കണ്ടു പേടിക്കണ്ടാ...അവരൊക്കെ നല്ലതും ചീത്തയും പറഞ്ഞു തരാന്‍ വരുന്നവരാ..
    സുസ്വാഗതം. നല്ല വാക്കുകള്‍ക്കു നന്ദി..ഇനിം ഈ വഴി വരിക.

    @ Kalavallabhan : ദൈവദൂതന്‍ വന്നു രക്ഷിക്കുന ഭാഗം പോസ്റ്റി...അത് കൊണ്ട് പാമ്പിന്‍ പുറ്റിന്‍റെ കാര്യത്തില്‍ പേടിക്കണ്ടാ...കൂടെ പോരെ..

    @ പ്രദീപ്‌ പേരശ്ശന്നൂര്‍ : നന്ദി..

    @ കുസുമം ആര്‍ പുന്നപ്ര : നന്ദി..അടുത്തതും വന്നിട്ടുണ്ട് :-)

    @ Joker : സുസ്വാഗതം. ആദ്യ വരവിന് നന്ദി.
    നല്ലതും ചീത്തയും പറഞ്ഞു മനസ്സിലാക്കുമെന്ന് പ്രതീക്ഷിക്കുന്നു.

    @ ശ്രീനാഥന്‍ : സുസ്വാഗതം മാഷേ. നല്ല വാക്കുകള്‍ക്കു ഒരുപാട് നന്ദി.
    നല്ല organized ആയിട്ടുള്ള യാത്രാവിവരണ ബ്ലോഗ്‌ കാണണമെങ്കില്‍ ദാ ഇവിടെ, പിന്നെ ഇവിടെയും ക്ലിക്ക് ചെയ്തോളൂ...

    ReplyDelete
  40. രസകരമായ ഒരു യാത്രാവിവരണം.. ചിത്രങ്ങള്‍ കുറെക്കൂടി നന്നാക്കാമായിരുന്നു..

    ReplyDelete
  41. @ സുനിൽ പണിക്കർ : ഞങ്ങള്‍ ഈ യാത്ര പോകുമ്പോള്‍ ഞാന്‍ ബ്ലോഗ്‌ തുടങ്ങിയിരുന്നില്ല..അന്ന് ചുമ്മാ കുറെ ഫോട്ടോസ് എടുത്തെന്നെ ഉള്ളൂ..ബ്ലോഗ്‌ തുടങ്ങി, കഴിഞ്ഞ മാസം വരെയും ഇങ്ങനൊരു പോസ്റ്റ്‌ ഇടണമെന്നും ആലോചിചിരുന്നില്ലാ..!!
    വളരെ സന്തോഷമുണ്ട്, ഇത് മുഴുവന്‍ വായിക്കാന്‍ സമയം കണ്ടെത്തിയതിന്. തുടര്‍ന്നുള്ള പോസ്റ്റുകളും ഇത് പോലെ കാണാന്‍ വരുമെന്ന് പ്രതീക്ഷിക്കുന്നു.
    And I admire ur sketches..of course, become a fan..keep going.All the wishes.

    ReplyDelete

ദ..ഇപ്പൊ മനസ്സില്‍ എന്തോ പറഞ്ഞില്ലേ? അതിവിടെ എഴുതിയിട്ട് പോകൂന്ന്..

LinkWithin

Related Posts with Thumbnails