Sunday, March 21, 2010

വരി : ആത്മാവ്‌ - ഒരു ചിന്ത


"മൃത്യോമാ അമൃതം ഗമയ:"
"മരണത്തില്‍ നിന്നും മരണമില്ലാത്ത അവസ്ഥയിലേക്ക് എന്നെ നയിക്കണമേ!!" അമരത്വം തേടുന്ന ജീവന്‍റെ നിതാന്ത പ്രാര്‍ത്ഥനാമന്ത്രം.
       ഭൂമിയില്‍ ശാശ്വതവും അനിഷേധ്യവുമായ ഒന്നേയുള്ളൂ; മരണം...അവസ്ഥാന്തരം.അവിടെ അനിശ്ചിതത്വമില്ല.എപ്പോഴും അത് നടന്നു കൊണ്ടേ ഇരിക്കുന്നു.ജനനം മുതല്‍ മരണം വരെ സംഭവിക്കുന്നതെല്ലാം നമുക്ക് അറിയാം, അനുഭവിക്കാം. ജനനത്തിന് മുന്‍പും മരണത്തിന് പിന്‍പും എന്ത്?!! ജനിമൃതികള്‍ക്കിരുപുറവും നമുക്ക് മുന്നില്‍ അവ്യക്തവും ഭീമവുമായ നിത്യാന്ധകാരമാണ്. പിന്നിട്ട ഓരോ യുഗവും മനുഷ്യന്‍ ഈ ജിജ്ഞാസയുടെ ഉത്തരം കണ്ടെത്താന്‍ ശ്രമിച്ചു.എത്ര അലഞ്ഞിട്ടും ഒടുവില്‍ എത്തുന്നത്‌ ആദി സംശയങ്ങളുടെ മുന്നില്‍ തന്നെ!
       ഇവിടെയാണ്‌ ആത്മാവ് എന്ന സങ്കല്‍പ്പത്തിന് പ്രസക്തി ഏറുന്നത്. ജനനത്തിനും മരണത്തിനും ജീവിതത്തിനും അതീതമായി ശരീരത്തിനുള്ളില്‍ കുടിയിരിക്കുന്ന മഹാശക്തി - ആത്മാവ്. ശരീരത്തില്‍ നിന്നും ആത്മാവിന്‍റെ വിട പറയലാണ് മരണം. പ്രാണപ്രധാനമായ സൂക്ഷ്മ ശരീരത്തോടൊപ്പം 'ചൈതന്യം'  അഥവാ ആത്മാവ് സ്ഥൂല ശരീരത്തെ ഉപേക്ഷിക്കുന്നു.ഇവിടെ എല്ലാറ്റിന്‍റെയും അവസാനമാണോ..?!
    
                          "നൈനം ചിന്ദന്ധി ശസ്ത്രാണി നൈനം ദഹതി പാവക:
                            ന: ചൈനം ക്ലേദയന്തി അപോ ന ശോഷയതി മാരുത:"
                                                                                            - ഭഗവത് ഗീത (2-23)                  
 "അസ്ത്രങ്ങള്‍ കൊണ്ട് മുറിപ്പെടുതാനാവാത്തതും, തീ കൊണ്ട് ദാഹിപ്പിക്കുവാനോ, ജലം കൊണ്ട് നനയ്ക്കുവാനോ ആവാത്തതുമായ ഒരു മൂര്‍ത്തസത്തയാണ് ആത്മാവ്. അത് അക്ഷയവും വിഭജിക്കപെടാനാവാത്തതുമാണ്"- ഭഗവത് ഗീത പറയുന്നു.  ബൃഹദാരണ്യകം(brahadaranyaka) ഉപനിഷത്തില്‍ ആത്മാവിന്‍റെ ദേഹാന്തര പ്രാപ്തിയെക്കുറിച്ച് വിവരിച്ചിരിക്കുന്നത്, "ഒരു പുല്‍ക്കൊടിയുടെ ഇലത്തുമ്പ് വരെ ഇഴഞ്ഞെത്തി, മറ്റൊരിലയെ തന്നിലേക്ക് വലിച്ചടുപ്പിച്ച് അതില്‍ കടന്നു കൂടി ഹ്രസ്വമാകുന്ന പുഴുവിനെ പോലെയാണ് " എന്നാണ്.
       സത്യമെന്ത് തന്നെ ആയാലും, മരണാനന്തരം മറ്റൊരു ജീവിതം കൂടി ഉണ്ടെന്നുള്ള വിശ്വാസം ഏതാണ്ട് എല്ലാ ജനസമുഹങ്ങളിലും ഉണ്ട്. ചില മതവിശ്വാസങ്ങളില്‍, മരിച്ചവരുടെ ആത്മാക്കള്‍ പുനര്‍ജനിച്ച് ഭൂമിയിലേക്ക് തന്നെ മടങ്ങി വരുന്നു. ചിലവ മോക്ഷപ്രാപ്തി നേടുന്നു. മറ്റു ചില മത വിശ്വാസങ്ങളില്‍ ആകട്ടെ മരിച്ചവര്‍ക്ക് ഭൂമിയിലേക്ക്‌ ഒരു മടങ്ങിവരവില്ല. അവരുടെ ആത്മാക്കളും പ്രേതങ്ങളുമൊക്കെ അന്ത്യവിധി ദിനവും കാത്ത് ഏതോ വിശ്രമസ്ഥാനത്ത് നില്‍ക്കുന്നു. വിധി നിര്‍ണ്ണയിക്കുന്നതോടെ സ്വര്‍ഗ്ഗ-നരകങ്ങളിലേക്ക് പീഡാനുഭാവങ്ങള്‍ക്കും പുണ്യ ആസ്വാദനങ്ങള്‍ക്കുമായി പോകുന്നു!!
       ആത്മാവിന്‍റെ അസ്തിത്വത്തെക്കുറിച്ച് ശ്രദ്ധേയമായ ഗവേഷണങ്ങള്‍ നടത്തിയ ശാസ്ത്രഞന്ജനാണ് ഡോ. ഡങ്കന്‍ മാക്‌ ഡോഗള്‍. ആത്മാവ് എന്ന വസ്തു ശരീരവുമായി അഭേദ്യമായി ബന്ധപ്പെട്ടതായത് കൊണ്ട്, അങ്ങനെ ഒന്നുണ്ടെങ്കില്‍ എത്ര സൂക്ഷ്മമായ അളവുകളില്‍ ആയാല്‍ കൂടി ഭാരം എന്ന അവസ്ഥ ആ വസ്തുവിന് ഉണ്ടായിരിക്കണം എന്ന ഉറച്ച നിഗമനത്തില്‍ ചെന്നെത്തി. മരണ സമയത്ത് ശരീരത്തില്‍ നിന്നും വ്യക്തമായ ഭാരം നഷ്ട്ടമാകുന്നുണ്ടെന്നും, എന്നാല്‍ ഈ ഭാരം ഭൗമാതീതമായ എന്തിന്‍റെയോ ആണെന്നും അദ്ദേഹത്തിന്‍റെ പഠനങ്ങള്‍ പറയുന്നു. ആത്മാവിനെ വെറും കവിഭാവനയായി തള്ളിക്കളയാന്‍ ഈ പരീക്ഷണങ്ങള്‍ വിസ്സമ്മതിക്കും. 
       ജീവനുള്ള വസ്തുക്കളില്‍ മാത്രമുള്ള 'ചൈതന്യം'. ആ ചൈതന്യം ആത്മാവല്ലെങ്കില്‍ മറ്റെന്താണ്..? ഒരിക്കലും നാശമില്ലാത്ത ആ ആത്മാവ് മറ്റൊരു ശരീരത്തില്‍ കൂടി പുനര്‍ജനിക്കുന്നുവെങ്കില്‍, മരണാനന്തരം മറ്റൊരു ജീവിതം കൂടി ഉണ്ടെന്നു സങ്കല്‍പ്പിക്കുന്ന മനുഷ്യന് എന്ത് കൊണ്ടും ആശ്വാസമാണ്...!!


നന്ദി, കടപ്പാട് : എന്ത് വിഷയത്തെ കുറിച്ച് ചര്‍ച്ച ചെയ്യുന്ന നാട്ടിലുള്ള എന്‍റെ സുഹൃത്തുക്കള്‍, ഉപനിഷത്തുക്കളിലെ വരികള്‍ പറഞ്ഞു തന്ന ഒരു പഴയകാല കമ്മ്യൂണിസ്റ്റ്‌, നൂറനാട് ലെപ്രസി സാനിട്ടോറിയത്തിലെ വിശാലമായ പുസ്തക ശേഖരം, നമുക്ക് മുന്നേ നടക്കുകയും കണ്ടെത്തിയത് കോറിയിടുകയും ചെയ്ത ചിന്തകന്മാര്‍.

ചിത്രം കടപ്പാട് : ഗൂഗിള്‍ 

32 comments:

  1. പട്ടിക്ക് ആത്മാവില്ലാത്തത് കൊണ്ടാണ് അത് 'ചത്ത്‌ പോയി' എന്ന് പറയുന്നതെന്നും; മനുഷ്യന് ആത്മാവ് ഉള്ളത് കൊണ്ടാണ് 'മരിച്ചു പോയി' എന്ന് പറയുന്നതെന്നും ഒരിക്കല്‍ ഒരു ശേമ്മാച്ചന്‍ പ്രസംഗിക്കുന്നത് കേട്ടു. അത് ഭാഷയുടെ പ്രയോഗം മാത്രമല്ലേ, എന്നതായിരുന്നു ഞങ്ങളുടെ ചര്‍ച്ചയുടെ തുടക്കം. അപ്പൊ ശേമ്മാച്ചനും നന്ദി..!!
    ഈ ചിന്തകളില്‍ തെറ്റുണ്ടെങ്കില്‍ തിരുത്തി തരുവാനും, കൂടുതല്‍ ചിന്തകള്‍ ചേര്‍ക്കാനും അപേക്ഷ.

    ReplyDelete
  2. This comment has been removed by the author.

    ReplyDelete
  3. വളരെ ബുദ്ധിമുട്ടുള്ള ഇങ്ങനെ ഒരു വിഷയം തിരഞ്ഞെടുത്ത് അവതരിപ്പിച്ചതിനു സിബു നൂറനാടിന് എന്റെ ആശംസകള്‍...

    ReplyDelete
  4. ആത്മാവിനെ വെറും കവിഭാവനയായി തള്ളികളയാന്‍ ഈ മനസ്സും വിസ്സമ്മതിക്കുന്നു .

    ReplyDelete
  5. ആത്മാവ് വെറും ഒരു ഭാവനയല്ല.. അതൊരു വലിയ സത്യമാണ്...

    ReplyDelete
  6. ee kochu thalayil ithrayum chinthayo???
    I totally agree with it... Aatma is energy. It can neither be created nor be destroyed. But can be changed from one form to another...
    [enikkum undu buddhi!;)]

    ReplyDelete
  7. Dear Abu,
    Thanks for selecting this topic.
    Punar Jenmam undo yenna karyathil vividha opinions und...Yenikku viswasaneeyamaye thonniya karyam njan kurikkunnu.... Attachments ane nadakkunnath...oru jeevi marichal aa athmav(energy) same characteristics ulla jeevichirikkunna bodyil attach cheyya pedunnu...Poornamaya thettu thiruthalukal(moksha prapthi)-kke shesham athinte ulfava sthanathekk thirich pokunnu...namukk aa ulfava sthanathe brahmam yenno,paramathmave yenno, pithave yenno vilikkam...
    May the divine bless you...

    ReplyDelete
  8. Nannayittundu......
    Chinthikkan orupaadulla vishayam........!!!
    ee subjectil athra avagaaham illathathinaal chodikkunnu.............
    Punarjananathinu aathmaavu kaaranam aakunnathengane..?Anganeyenkil thanne ,mattoru sareerathil pravesikkunna aa chaithanyam ulkkollunnathu Munsareerathilethaakumo.?

    ReplyDelete
  9. ഗോപികൃഷ്ണന്‍ : നന്ദി..വായിച്ചു തിരുത്തി തന്നതിന്.
    സാദിക്ക് ഇക്ക : എന്നോട് യോജിച്ചതിനു നന്ദി..
    കൊച്ചു മുതലാളി : സത്യമാണെന്ന് പറയുമ്പോഴും നമുക്ക് ചിന്തകളുടെ പിന്‍ബലം ആണ് കൂട്ട്. ശാസ്ത്രം ഈ വിഷയത്തില്‍ ഇനിയും ഒരുപാട് മുന്നോട്ട് പോകേണ്ടിയിരിക്കുന്നു..
    Raindrops : this point is the clutch, which is backed by science..!! അപ്പൊ എട്ടാം ക്ലാസ്സില്‍ ഫിസിക്സ്‌' നു തോറ്റില്ല..!!
    ഭൈരു : ജീവിക്കുന്ന ബോഡിയില്‍ attach ചെയ്യപ്പെടുന്നു എന്നതിനോട് എനിക്ക് യോജിപ്പില്ല...കാരണം ഒരു ജീവന്‍ സൃഷ്ട്ടിക്കപെടുമ്പോള്‍ തന്നെ ആത്മാവിന്‍റെ സാന്നിധ്യവും ഉണ്ടാകുന്നു. പുനര്‍ജന്മ്മത്തിനെ നമുക്ക് ഒരു 'inheritence' ആയി കാണാമെന്നു കരുതുന്നു.കഴിഞ്ഞ ജന്മത്തില്‍ ഉണ്ടായിരുന്ന സ്ഥൂല ശരീരത്തിന്‍റെ സ്വഭാവം ഒരു പരിധി വരെ inherit ചെയ്യപെടാം; എന്നാല്‍ ഒരു unconscious state-ലൂടെ കടന്നു വരുന്നത് കാരണം നമ്മള്‍ ഇത് അറിയാതെ പോകുന്നു..!!
    ശ്രീവിദ്യ : പുനര്‍ജന്മത്തിന് ആത്മാവ് കാരണമാകുന്നത് എങ്ങനെ?
    Raindrops പറഞ്ഞതാണ് എനിക്ക് അറിയാവുന്ന മറുപടി."Aatma is energy. It can neither be created nor be destroyed. But can be changed from one form to another."
    മറ്റൊരു ശരീരത്തില്‍ പ്രവേശിക്കുന്ന ചൈതന്യം ഉള്‍ക്കൊള്ളുന്നത് മുന്‍ ശരീരത്തെ ആയിരിക്കുമോ?
    ഭൈരു'വിനോട് പറഞ്ഞത് പോലെ ഒരു 'inheritence' നടക്കുന്നുണ്ടെന്ന് ഞാന്‍ കരുതുന്നു. ആത്മാവും ശരീരവും പരസ്പ്പര പൂരകങ്ങലാണ്. രണ്ടും അന്യോന്യം നിലനില്‍പ്പിനെ ആശ്രയിക്കുന്നു.

    ReplyDelete
  10. "എന്‍റെ അറിവിന്‍റെ പരിധിയില്‍ നിന്ന് കൊണ്ടാണ് ഞാന്‍ സംസാരിക്കുന്നത്,മറുപടി പറയുന്നത്... തിരുത്തലുകള്‍ പ്രതീക്ഷിക്കുന്നു.."

    ReplyDelete
  11. pazhaya sansrit classilekku poyi. Nala post. Ente postile comment kandu. MK Harikumarinte oru link koode cherkkunnundu. You may like this.
    http://newsmk-harikumar.blogspot.com/2009/10/blog-post_1372.html

    ReplyDelete
  12. sibu.. pattikku atmavilla ennu aru parnju

    geevanulla ennttinum atmavundu. atmavu aveshikkumpol matram anuu oru vastu geevan ullatu akunnatu allenkil atu jadam anuu. geetyail bagavan tnne parnjittilee.

    vilvamngalam swami,guruvayuurappan patyaksha darsanam koduttittulla adeham polum..moonu janmam eduttu bagavanil layikkan aayi
    onnu oru ambala kalyaudetu, pinee oru tulasi chedi aayi.

    geevan ullatinu atmavum undakam...

    chilapoo atu oru evalution te bagam ayi tanne akum aatmavu ayi teeruka. aa atmavu aneka janmangal eduttu alle purified ayi refined ayi..
    muktiye prapikkuka

    ReplyDelete
  13. sibu..

    patti kku aathmavilla

    ennu aru parnju?...

    geevanulla ellattinum

    aathmavundu. aatmavu

    aaveshikkumpol maathram

    anuu oru vasthu geevan

    ullatu aakunnatu allenkil

    athu jadam aanuu.

    geethayil baghavan

    thanne parnjittilee.

    vilva mangalam swami,

    guruvaayoorappan

    pathyakhsha darshanam

    koduttittulla adeham

    pollum moonu janmam

    eduttu bagavanil layikkan

    aayi. onnu oru ambala

    kalayaudetu, pinee oru

    tulasi chedi aayi.

    geevan ullatinu aatmavum

    undakaam...

    chilapoo atu oru evolution

    te bagham ayi tanne

    aakaam aathmavu ayi teeruka.

    aa athmavu aneka

    janmangal eduttu aakam

    purified ayi, refined

    ayi..mukthi ye prapikkuka

    ReplyDelete
  14. Dear Sibu, The topic was awesome and flow was good.
    I believe that soul is there for every animal, Man is also an animal with better intelligence. I hope that we keep our souls as pure as possible because body is lust and can turn to ashes in no time but soul is everlasting...

    ReplyDelete
  15. ആത്മാവ് ഒരു സത്യം ആണ് " ഇതുവരെ നേരിട്ട് ഞാന്‍ കണ്ടിട്ടില്ല എങ്കിലും"

    പുനര്‍ജ്ജനി: അതില്‍ കേട്ടറിവ് മാത്രമേ ഉള്ളു. ശാസ്ത്രത്തിനും പിടികിട്ടാത്ത ശാസ്ത്രം

    ReplyDelete
  16. ആത്മാവ് ഉണ്ടോ ഇല്ലയോ എന്നെനിക്കറിയില്ല
    അതുകൊണ്ട് അതിനെ കുറിച്ച് ഞാനൊന്നും പറയുന്നില്ലാട്ടോ..
    വ്യത്യസ്തമായ നല്ലൊരു പോസ്റ്റ്‌

    ReplyDelete
  17. Jishad : നന്ദി :-)
    അരുണ്‍ ചേട്ടാ : ഈ വഴി വന്നതിനു ആദ്യമേ നന്ദി. കമ്മന്റ്റ് കണ്ടപ്പോള്‍ അതിലേറെ സന്തോഷം.
    കുമാരേട്ടാ : വളരെ സന്തോഷം... വായിച്ചതിനും പ്രോല്‍ത്സാഹനത്തിനും. തുടര്‍ന്നും വരണം.
    Raman : അയ്യോ..എനിക്ക് സംസ്കൃതം ഒന്നുമറിയില്ല.
    M.K. ഹരികുമാറിന്‍റെ ലിങ്ക് കണ്ടു. ആ പുസ്തകം വായിച്ചിട്ട് അഭിപ്രായം പറയാം.

    ReplyDelete
  18. ലക്ഷ്മി : വില്വമംഗലം സ്വാമിയുടെ പുനര്‍ജന്മ കഥ ഞാന്‍ ഐതീഹ്യമാലയില്‍ വായിച്ചിട്ടുണ്ട്. കഥകളിലെ നല്ലതിനെ ഉള്‍ക്കൊണ്ടു നമുക്ക് ആ ചിന്തകളുടെ ശാസ്ത്രീയ വശങ്ങളെ അന്വേഷിക്കാം.
    Science of Evolution ഒരിക്കലും ആത്മാവിന്‍റെ അസ്തിത്വത്തെ കുറിച്ച് ഒരിടത്തും പ്രതിപാദിക്കാതെ പോകുന്നു. പഞ്ചേന്ദ്രിയങ്ങള്‍ക്ക് അതീതമായതിനെ പഠിക്കാതെ പോകുന്നത് സയന്‍സ് 'ന്‍റെ കുറവ് തന്നെ ആണ്.
    മുക്തിയെ പ്രാപിക്കുക എന്നുള്ളത് വീണ്ടും ഒരു വിശ്വാസം മാത്രമല്ലേ. Re-formation നടക്കുന്നുന്ടെന്നു കരുതാമെങ്കിലും അതിന്‍റെ source ഇന്നിടത്താനെന്നു ചൂണ്ടി കാണിക്കാന്‍ നമുക്ക് കഥകളുടെ പിന്ബലമേ ഉള്ളു...!!

    Dilson : Thank you.
    As you said, the soul can be personalized according to the existing body and mind; but that may not only depend on the lust of the body.All thinkings and doings can also affect. And of course the soul is everlasting...let it be :-)

    ഒഴാക്കാന്‍ : അങ്ങനെ തന്നെ കരുതാം അല്ലെ..ഞാനും കണ്ടിട്ടില്ല.
    പുനര്‍ജന്മത്തെ കുറിച്ച് കൂടുതല്‍ പഠനങ്ങള്‍ വരട്ടെ..

    സിനു : വായിച്ചറിവും കേട്ടറിവും പങ്കു വയ്ക്കാം കേട്ടോ.
    നന്ദി.

    ReplyDelete
  19. സിബു,
    ആത്മാവ് ഭൗതികമായ ഒരു വസ്തുവല്ലെങ്കില്‍ പിന്നെ എന്തിന്‌ ഭാരം എന്ന ഭൗതികഗുണം ഉപയോഗിച്ച് അതിന്റെ അസ്ഥിത്വത്തെ തെളിയിക്കാന്‍ വിശ്വാസികള്‍ ശാസ്ത്രത്തെ കൂട്ടുപിടിക്കണം?

    തങ്ങളുടെ വിശ്വാസം ശരിയാണെന്ന് സ്ഥാപിക്കാന്‍ ശാസ്‌ത്രത്തെ യഥേഷ്ടം വളച്ചൊടിക്കുന്ന ഈ പ്രവണത ഈയിടെയായി കൂടിവരുന്നു. ഇതിന്റെ ഏറ്റവും വലിയ ഉദാഹരണമാണ്‌ ഡോ.ഗോപാലകൃഷ്ണന്‍.

    വിശ്വാസികളുടെ വിശ്വാസത്തെ ഞാന്‍ ചോദ്യം ചെയ്യുന്നില്ല. ഈ വിഷയത്തെക്കുറിച്ച് എന്റെ അഭിപ്രായം പറഞ്ഞുവെന്നു മാത്രം.

    ReplyDelete
  20. കണ്ടതിലും വായിച്ചതിലും സന്തോഷം

    ReplyDelete
  21. സത്യത്തിന്റെ മുഖംതേടിയുള്ള യാത്രയ്ക്ക്‌ എല്ലാ ഭാവുകങ്ങളും!!

    ReplyDelete
  22. Sibu: Science of evolution matram alla sashtram.,namukku etra pracheena grandangal undue, Sayippu parnjale namukooke vila ullu alle. nammude grandangal etra ennamundu aatmavine paratipadikkunnava... pinne crilyan photography polulla techniques vazi modern science prove cytatu anuu aatmavu sareeram vittu pokunnatu, etil padanam nadatiiyitulla oru padu per undu sibu. avar onnum oru pustaka roopatil akkiyailla pal kandettalum.
    sayipuu parnjal alle nammal visvasikku. Avanu invisible man num, jurassic park inum appuram imagination illa.... Etokke india yude andhavisvasam annu ennu pacharipikkuka alle.

    ReplyDelete
  23. വായാടി : സംശയത്തിനു കാരണം പോസ്ടിലുണ്ടായിരുന്ന അക്ഷരപിശക് മൂലമായിരിക്കുമെന്നു കരുതട്ടെ...
    'ഭൗമാതീതമായത്' എന്നുള്ളത് 'ഭൗതികാതീതമായത് ' എന്നായി പോയതാണ്...തെറ്റ് ചൂണ്ടി കാണിച്ചതിന് നന്ദി.

    അത് പോലെ നമ്മള്‍ ഇന്നറിയുന്ന ശാസ്ത്രം, ഭാരതത്തിലെ ആചാര്യന്മാര്‍ പറഞ്ഞിരിക്കുന്ന പല ചിന്തകളിലും എത്രയോ പുറകിലാണ്.
    വൈമാനിക ശാസ്ത്രവും, വൈദ്യ ശാസ്ത്രവും, ഗണിത ശാസ്ത്രവും ഒക്കെ ഇതിന് ഉദാഹരാണങ്ങലാണ്. ഇവയെ തുടര്‍ന്ന് പഠിക്കുവാണോ കൂടുതല്‍ പരീക്ഷണങ്ങള്‍ നടത്തുവാനോ വേണ്ടപ്പെട്ടവര്‍ തുനിഞ്ഞില്ല.
    ഇവയെല്ലാം "വിശ്വാസങ്ങളായി" ഒതുങ്ങി പോകുന്നു. ഈ "വിശ്വാസങ്ങളില്‍" ഉള്ള ശാസ്ത്രങ്ങള്‍ അന്വേഷിക്കുന്നവര്‍ അത് തുടരട്ടെ. നമ്മുടെ ചിന്തക്കും യുക്തിക്കും നിരക്കുന്നത് നമുക്ക് സ്വീകരിക്കാം.

    സപ്ന അനു : സന്തോഷം ഏറെ എനിക്കാണ്...വന്നതിലും വായിച്ചതിലും.
    ബൂലോകത്തിലെ "കുറച്ചു സമയം ഒത്തിരി കാര്യം" ഞാന്‍ വായിക്കാറുണ്ട്.

    ജോയ് പാലക്കല്‍ : വളരെ നന്ദി. വീണ്ടും ഈ വഴി വരിക..

    ലക്ഷ്മി : ഞാനും അത് തന്നെയാണ് പറഞ്ഞത്. Science of Evolution ശരീരത്തെക്കുറിച്ച് മാത്രം പഠിക്കുമ്പോള്‍, ആത്മാവ് എന്ന സത്യത്തെ പഠിക്കാതെ പോകുന്നു. Dr.ഡോഗളിന്‍റെ പഠനങ്ങള്‍ കിര്‍ലിയന്‍ ഫോട്ടോഗ്രഫിയെ അടിസ്ഥാനപ്പെടുത്തിയുള്ളതായിരുന്നു. കൂടുതല്‍ പഠനങ്ങളും ചിന്തകളും ഉണ്ടാകട്ടെയെന്ന് പ്രത്യാശിക്കാം.

    ReplyDelete
  24. അമ്മോ ...ഞാനില്ലയിതിനെ ആഞ്ഞുപിടിക്കുവാൻ...
    ആത്മാവിന്റെ ആവിഷ്കാരങ്ങൾ...അല്ലേ !

    ReplyDelete
  25. ആത്മാവു എന്റെ അഭിപ്രായത്തില്‍ ഒരു മാനുഷിക സങ്കല്പ്പമാണു...മാനുഷിക സാങ്കല്‍പ്പത്തിലെ ഏറ്റവും വിലപിടിപ്പുള്ളതും ദൃഢമായിട്ടുള്ളതും........അതിന്റെ യാഥാര്‍ത്ത്യത്തെ "ഉണ്ടെന്നും ഇല്ലന്നും" പൂര്‍ണ്ണമായി തെളിയിക്കുവാന്‍ ഇതു വരെ മനുഷരാശിക്കു കഴിഞ്ഞിട്ടില്ല എന്നതാണു സത്യം...പക്ഷെ...പിറന്നു വീഴുന്ന ഓരോ ഭാരതീയനെയും....അന്ധമായി "ആത്മാവുണ്ട്" എന്നു വിശ്വസിപ്പിക്കാന്‍ കഴിവുള്ള സംസ്കാരം ആണു നമുക്കു നമ്മുടെ പൂര്‍വികര്‍ നല്‍കിയിരിക്കുന്നതു...അതു കൊണ്ട് തന്നെ ആത്മാവുണ്ട് എന്നതിനേക്കാള്‍ "ആത്മാവില്ല" എന്നാണു ഇനി തെളിയിക്കേണ്ടതു....

    ReplyDelete
  26. ബൃഹദാരണ്യകം എന്നും ഹ്രസ്വം എന്നും. തിരുത്തുക. പിന്നെ മരിച്ചു കഴിഞ്ഞാല്‍ കുറച്ചു കാര്‍ബണും ഹൈഡ്രജനും മാത്രമവശേഷിക്കുന്നു. എന്ന ഒരു പ്രകൃതി സത്യം ഉണ്ടല്ലോ. മനുഷ്യന്റെ രൂപമാണ് ഈശ്വരന് എന്ന സങ്കല്പം! ദൈവമേ ഞങ്ങള്‍ മനുഷ്യര്‍ എന്നാണ് നീന്റെ യഥാര്‍ത്ഥരൂപം കാണുന്നത്. രൂപമില്ലാത്ത നിന്നെ രൂപക്കൂടില്‍ വച്ചവരാണല്ലോ ഞങ്ങള്‍.
    ഞങ്ങളാരാ മക്കള്‍.

    ReplyDelete
  27. ബിലാത്തിപട്ടണം / Bilatthipattanam : അങ്ങനെ പറഞ്ഞു ഒഴിയരുത്..കേട്ടറിവും വായിച്ചറിവും പങ്കു വക്കണം.

    അടൂരിന്റെ സന്തതി : എന്തും ഇല്ലെന്നു തെളിയിക്കാന്‍ എളുപ്പവും, ഉണ്ടെന്നു തെളിയിക്കാന്‍ പ്രയാസവും ആകുമ്പോള്‍ ഉണ്ടെന്നു തെളിയിക്കാനുള്ള ആവേശം കൂടും. രണ്ടായാലും സത്യം തെളിയട്ടെ. അറിവ് പങ്കു വയ്ക്കൂ.

    എന്‍.ബി.സുരേഷ് : ബൃഹദാരണ്യകം എന്നത് എങ്ങനൊക്കെ ടൈപ്പ് ചെയ്തിട്ടും കിട്ടാത്തത് കൊണ്ടാണ് ഇംഗ്ലീഷില്‍ കൂടി അവിടെ എഴുതി ചേര്‍ത്തത്. ഇപ്പൊ ഇത് ഞാന്‍ അങ്ങ് കോപ്പി ചെയ്തു തിരുത്തി. നന്ദി കേട്ടോ.
    കാര്‍ബണും ഹൈഡ്രജനും മാത്രമാണോ നമ്മുടെ ചൈതന്യത്തിനു നിദാനം. അറിയില്ല..ഞാന്‍ അന്വേഷണം തുടരുന്നു..

    ReplyDelete
  28. വേദഗ്രന്ഥത്തിലെവിടെയോ വായിച്ചത് :
    ‘താങ്കളോടവര്‍ ആത്മാവിനെക്കുറിച്ച് അന്‍Wഏഷിക്കുന്നല്ലോ..
    അവരോട് പറഞ്ഞേക്കുക,ആത്മാവ് ദൈവികമാണെന്ന് മാത്രം’

    ഈ വരികളെനിക്ക് വലിയ സമാധാനം നല്‍കിയിട്ടുണ്ട്.

    ReplyDelete
  29. ഒരു നുറുങ്ങ് : ചോദ്യം ചെയ്യാന്‍ പാടില്ലെന്ന് ഒരു ധ്വനി അതിലുണ്ടോ ഇക്കാ..?
    വിശ്വാസം ആശ്വാസം തരുന്നെങ്കില്‍ അത് വിശ്വാസമായി തന്നെ ഇരിക്കട്ടെ അല്ലെ...!
    എന്‍റെ ത്വര അതിലെ സത്യം അറിയാനാണ്..അത് കൊണ്ട് വിശ്വാസങ്ങള്‍ക്ക് അപ്പുറത്തുള്ള ചിന്തകളിലേക്ക് പോകാനും മനസ്സിലാക്കാനും ശ്രമം തുടരുന്നു..വിജയം ഒരുപാട് അകലെയാണെന്ന് അറിയാമെങ്കിലും.

    ReplyDelete

ദ..ഇപ്പൊ മനസ്സില്‍ എന്തോ പറഞ്ഞില്ലേ? അതിവിടെ എഴുതിയിട്ട് പോകൂന്ന്..

LinkWithin

Related Posts with Thumbnails